عيونِك ليه بتتعمد تصحي حنيني لما ينام
بجد بتستفزيني
انا ما صدقت أطفي النور
وأشغل أي مزيكا
وأطبطب ع اللي جوايا بقاله شهور
وأمشي عليه بأستيكا
فتيجي انتي بسواد شعرِك
بياض قلبِك
خضار عينِك
تهدي بضحكة واحدة السور
وانا ماصدقت أطفي النور
طب أهرب فين
وانا عرفت الأمان فيكي يا تقل خفيف
وبرضه عرفت فيكي الخوف
يا أكتر قلب حسسني لأول مرة إني كفيف
وأول مرة أحس الشوف
فمتلومينيش عشان بهرب
انا خارج
انا أدمنت سجنِك بس هتعالج
وأعراض إنسحاب روحك
عجز عن وقفها الدكتور
وانا ماصدقت أطفي النور

تعليقات على فيسبوك