د. أمنية محمد

كاتبة وطبيبة من مواليد ١٩٨٧- (الجيزة – مصر) – إحدى مؤسسين صفحة احتمالات

(الحلقة الثالثة)

رأس ميدوسا أو Caput medusa
دي علامه مرضيه عباره عن تضخم أورده حوالين السره و بتبقى كأنها طالعه منها زي اشعة الشمس…الموضوع ده بيحصل في الفشل الكبدي و ارتفاع ضغط الوريد البابي الكبدي هحط صوره لشكل العلامه دي في اول كومنت

مين ميدوسا اللي مشبهين العلامه المرضيه دي براسها؟

ميدوسا دي كانت بنت جميله و ليها اختين حلوين زيها …بس في آلهه ( استغفر الله) عند الاغريق اسمها اثينا غضبت عليها …في 3 اسباب بيتقالوا للموضوع ده

1- انها قالت انها اجمل من اثينا
2- انها قالت ان شعرها احلى من شعر اثينا
3- السبب الاكثر شهره انها دنست معبد اثينا و عملت فيه حاجات وحشه مع بوسيدون (المسئول عن البحر عندهم)

المهم اثينا قررت تعاقبها و حولتها هي و اخواتها لمخلوقات بشعه و شعرهم عباره عن تعابين..و اللي بيص لعنيهم يتحول حجر و بقوا اسمهم الجرجونيات الثلاث (يعني المرعبات)

يقال ان اثينا سابت وش ميدوسا حلو بصرف النظر عن شعرها اللي بقى تعابين عشان تغوي الرجال و تحولهم لحجر

بيرسوس ده بطل اغريقي قتلها باستخدام

1- سيف حاد جدا عشان يقطع راسها من ضربه واحده
2- جزمة هرمس (مرسال الآلهه) عشان يطير بيها
3- خوذة هادس (ملك عالم الموتى) و دي زي طاقية الاخفاء كده عشان ما يشوفهوش
4- شنطه مخصوصه شال فيها الراس بعد ما قطعها تحوش الاشعه اللي بتحول لحجر لانها لسه فعاله بعد ما ماتت
5- طبعا درع اثينا اللي عرف يبص عليها فيه من خلال انعاكسها عشان ما يتحولش لحجر و هي ما شافتهوش عشان كان لابس خوذة الاخفاء
🙂

طبعا اللي سمى العلامه المرضيه دي اتخيل ان السره و الاورده المتضخمه حواليها هي ميدوسا بشعرها التعابيني ده
😀

أمنية_طائر_الرخ

تعليقات على فيسبوك